為你提供香港WeLab Debit Card比較及網上申請信用卡

"只需幾分鐘就能完成你網上辦理申請WeLab Debit Card"

Change Language: English   

WeLab Debit Card 一張卡搞掂晒
一張卡滿足你所有消費同理財需要!你除咗可以喺手機app控制你嘅所有支出,仲可以喺全球所有接受Mastercard嘅鋪頭或網站碌卡簽賬,以及全港嘅銀通(JETCO)同Cirrus^ 自動櫃員機提款。

Made with love in Hong Kong

  • 虛擬Debit Card 開戶即用
    你嘅WeLab Bank賬戶會附上一張虛擬Debit Card,你可以喺申請實體卡之前,率先用佢嚟進行網上交易。
  • 時尚、實用、安全
    設計時尚前衛嘅WeLab Debit Card上無任何卡號、安全碼(CVV)或有效日期,目的係避免Debit Card資料被盜取,令你可以安心享受 Debit Card多姿多采嘅電子消費服務。
  • 由你一手控制
    所有交易都會直接由你嘅核心賬戶餘額扣除,等你有幾多就使幾多!每次當你使用 WeLab Debit Card都會收到即時通知,仲可以設定交易限額,透過手機就可以更加了解自己嘅消費模式!
  • 精彩獨家獎賞
    大家都鍾意享受優惠!立即用你嘅 WeLab Debit Card賺取精彩獎賞—我哋會不斷新增更多獨家優惠,記得密切留意我哋嘅最新優惠。呢個係每位持卡人都可以享受到嘅 Mastercard 額外優惠!
    • WeLab Debit Card 有乜野特別㗎?
      WeLab Debit Card 就係結合咗提款卡同Mastercard!只要銀包有呢一張卡,你就可以喺全港嘅銀通(JETCO)或CIRRUS 自動櫃員機提款(留意返可能需要手續費)。你亦可以喺任何接受Mastercard 嘅鋪頭或地區用WeLab Debit Card去俾錢,所有交易都會由你嘅戶口扣數,令你唔會先洗未來錢,一齊投入「再見超支,健康預算」嘅消費生活!

      實體Debit Card 同虛擬Debit Card 有乜分別?
      虛擬Debit Card 同普通嘅扣賬卡一樣,唯一分別在於佢係虛擬嘅!你可以透過Mastercard網絡進行網上交易。

      成功開戶後,你會馬上收到一張虛擬Debit Card,所以你已經能夠即時消費喇!你仲可以要求申請附帶嘅實體Debit Card,方便喺唔同嘅商店進行交易。你將會喺申請後大約5至7個工作日收到呢張實體Debit Card。

      收到實體Debit Card 之後,係唔係要啟動先用得㗎?
      係呀,基於安全考慮,你收到嘅實體Debit Card係必須喺app啟動之後先用得!
      你可以喺登入賬戶之後,撳「Debit Card」>「啟動實體卡」,然後掃瞄喺卡背嘅二維碼去啟動新卡。咁就可以啟動你嘅新卡同開始消費啦!

三大類日常消費都賺5%現金回贈*!

放假兼放肆!
去任何餐廳食飯、 Call車同去超市/便利店買嘢,又或者留喺屋企上網嗌外賣同買生活用品,用WeLab Debit Card畀錢一律都賺,實行放假兼放肆!

由宜家開始至2021年3月31日期間,用實體/虛擬WeLab Debit Card:

  • 逢星期五、六 、日作三大類日常(餐飲、生活雜貨及交通)消費一律都賺5%現金回贈🤩!* 其他消費類別都有1%*!
  • 至於星期一至四所有消費類別,都可以賺到1%現金回贈 !*
    • 我可以賺到幾多現金回贈?
      *每月最多可賺HKD 500,即整個優惠期可賺HKD 1,000!

      • 星期五至日餐飲/生活雜貨/交通類消費: 享5%現金回贈(每月回贈上限為HKD 250, 即相對於每月 HKD 5,000之合資格交易)
      • 星期五至日其他消費類別; 及星期一至四所有消費類別: 享1%現金回贈(每月回贈上限為HKD 250即相對於每月 HKD 25,000之合資格交易)
        • 邊啲商戶可以享受到5%現金回贈?
          只限於指定交通、餐飲及生活雜貨嘅商戶符合可獲5%特別回贈嘅資格。
          例如 (包括但不限於):
          交通:叫車服務程式
          餐飲:餐廳、酒吧、餐廳網上店舖、網上外賣平台、酒店食肆及酒吧、營養食品店
          生活雜貨:超級市場、便利店

          邊啲係符合資格獲得1%現金回贈嘅交易?
          簡單嚟講,大部分交易都符合獲得1%現金回贈嘅條件,除咗以下類型交易:
          (a) 支付銀行費用及收費(如適用,包括但不限於年費、賬戶透支費逾期費用、補發卡費、自動櫃員機現金提款費用);

          (b) 準現金交易,包括:
          (i) 博彩及賭博交易;
          (ii) 分期付款;
          (iii) 餘額轉帳;
          (iv) 在非金融機構進行的現金、代幣、代用劵交付及/或兌換交易(包括購買現金券,購買外幣,匯票和旅行支票);
          (v) 在其他金融機構進行的任何交易(包括從銀行購買商品和服務);

          (c) 銀行轉賬(通過「快速支付系統」丶匯款丶電子直接付款授權等);

          (d) 繳付賬單(包括但不限於水費丶電費丶保險費丶支付其他銀行和信用卡的款項等);

          (e) 繳付給稅務局的稅項;

          (f) 購買和/或充值儲值卡或電子錢包;

          (g) 全部或部分未誌賬/取消/退款的交易。

          我們可能會酌情決定不時增加或刪除上述不符合條件的交易清單。
          而只有指定類別嘅交易先可以獲得5%現金回贈!

          如果逢星期五、六 、日作其他類別嘅消費,可以有幾多現金回贈?
          你仍可以享受1%現金回贈。

Power of We

WeLab Bank將人與金融科技力量結合,同你一齊開創虛擬銀行新世界。

為你而創建
呢間係屬於你嘅銀行!我哋以最新嘅科技同領先嘅金融智慧,設計出以數碼先行同全電子化嘅銀行,令銀行服務變得簡單,快捷並充滿樂趣。

由於無實體分行,我哋可以將節省到嘅開支回饋畀你,以更好利率、更靈活彈性嘅服務同以更聰明嘅方式幫你增值財富。我哋仲會透過人工智能同大數據分析令你夢想成真達成你嘅財務目標 — 一切變得觸手可及。

呢啲就係金融科技嘅力量。

以人為本
WeLab Bank app 背後係一班充滿熱誠同理想嘅團隊。我哋喺香港土生土長,同你一樣會搭車返工,一樣渴望有個精彩嘅未來。我哋會聽你嘅諗法,與你共同創作,因為呢個就係令我哋更理解你所需同令銀行服務更加進步嘅方式。一切都係為咗你。

呢啲就係人嘅力量。

革新銀行體驗
我哋係一班銀行家丶技術專家、設計師同風險管理人員。我哋離開大企業都係想為你創建一間有創新理念嘅銀行。我哋唔需要著西裝打呔,我哋摺起衫袖,凡事親力親為,決心為你打造突破性嘅銀行體驗。


  • 我哋想為大家創建一個強大嘅香港製造金融科技平台,並且為香港喺金融科技舞台上大放異彩作出貢獻。我哋以香港地道文化作為產品服務開發設計嘅靈感,希望通過我哋嘅銀行服務可以注入香港魅力,令你同香港都感到自豪。
  • 人同科技嘅結合
    我哋利用大數據嘅洞察力、金融、科技嘅力量,結合人類智慧同人性化設計。我哋可以幫你儲得更多,共同創造更好嘅產品,為你嘅理財生活帶嚟更大更正面嘅影響。
  • 屬於大家嘅銀行
    受全球成功虛擬銀行所啟發,我哋決心去創建一間獨一無二嘅虛擬銀行,希望改變大家以往嘅銀行模式。我哋獲香港金融管理局發牌成為八家獲批虛擬銀行中嘅唯一港產虛擬銀行。我哋致力通過可行嘅業務模式推動普惠金融,同時為你提供實現財務自由嘅工具。
  • 富初創精神嘅實力團隊
    WeLab Bank背後係WeLab Group —自2013年創立至今,喺金融發展上取得相當成功嘅團隊。作為對我哋實力嘅肯定,我們好榮幸得到長江和記實業有限公司TOM集團,國際金融公司和紅杉資本等世界頂級投資者嘅支持。
img
img
img
img
lock

網上申請
資料加密保護
採用先進的
SSL安全機制
國際網路安全指標

img
img
img
img
信貸報告
TransUnion Credit Report

img
img
img
img
新型冠狀病毒保障
COVID-19 Care Plan